FRAUTA ROCKERA (23-04-20)

Ola a todos e a todas!

Esta semana continuaremos o traballo cunha das cancións míticas dun grupo musical coñecido por todos: QUEEN e o seu “We will rock you” .

Foi editada por primeira vez no álbum “News of the world” no ano 1977, e foi composta polo guitarrista da banda, Brian May.

Esta canción é moi característica porque a maior parte dela está interpretada só por palmas e golpes no chan, acompañados pola voz do cantante (Freddie Mercury), o bombo e un só final de guitarra.

O ritmo é o seguinte: RITMO

Pinchando AQUÍ  podedes ver o videoclip da canción.

TAREFA 1 : Práctica do estribillo coa frauta ( 1º pentagrama) . As notas son:

Do´  –  Si  –  La  –  Sol  – La La -  sh  -  sh  -  sh  

Do´  –  Si  –  La  –  Sol  – La La -  sh  -  sh  -  sh  

Primeiro practicade sen o audio, e logo podedes practicar co audio do vídeo.

Déixovos outra partitura por se queredes practicar un pouco máis: RITMO 2

TAREFA 2: Coreografía. Aquí tedes un enlace para mover o corpo a ritmo de rock.

                              COREOGRAFÍA

(NOTA: comentádeme polo correo electrónico gcoramusica@gmail.com se vos sae a parte da frauta e a coreografía).

Moito ánimo!